Imaxes camellanas

Dende este blog queremos denunciar o estado lamentable de algunhas rúas e beirarúas do noso pobo.

Xa denunciábamos fai moi tempo o desfeita que estaba a beirarúa na rúa principal polo paso dun camión de obras por riba; avisamos a empresa constructora, ao concello, a unha concellal de Camelle, incluso saíu a foto na Voz de Galicia e ata un peón resultou mancado... pero segue igual, vese que as cousas non se poden facer polas boas para que as solucionen, haberá que facelas polas malas.

Outra rúa bastante desfeita é a rúa do porto, pertencente a Portos de Galicia.

Sinais hai unha chea, pero socabóns tamén hai bastantes. Este domingo, unha señora maior, tivo que ser hospitalizada por mor dunha caída no socabón da foto.

Non sei si con estas fotos-denuncia conseguirei algo, pero abofé que as seguirei publicando mentres non se arranxen, porque a seguridade dos viandantes penso que é unha cousa moi importante.

Xa están preparados os tubos para o dragado da area do porto, soamente falta a draga.Estas longas tuberías de ferro están situadas no peirao camellán.

Estos debuxos están pintados nas pedras máis altas do monte de Pena D´aiga e pódense apreciar perfectamente desde o noso pobo; parece un sol, unha lúa, un ollo ou algo parecido...
¿Haberá outro Manfred en Camelle?

Por último, déixovos unha foto bastante curiosa mandada pola nosa querida usuaria "camellana" e que foi sacada onte mesmo na rúa Fornelle;  sen comentarios...