A A.VV "A PERGOLIÑA" Responde.

De novo, a nosa Asociación de Veciños responde as alusións por parte do Grupo Municipal Socialista de Camariñas.

Ante o comunicado de prensa emitido polo Grupo Municipal Socialista de Camariñas, remitido pola súa concelleira Mercedes Martín, a A.VV A Pergoliña de Camelle, vese na obriga de defender os veciños do noso pobo, despois de ser insultado no mesmo, ao tratalo de ignorante e de subestimar a intelixencia dos seus habitantes cando afirman que foron manipulados por veciños de "fin de semana" da asociación.
 Aclarar que os únicos que enganaron e mentiron ocultando o Plan Acuícola foi o Grupo Municipal Socialista, e que os veciños de Camelle decidiron opoñerese a implantación da piscifactoría da Jandriña porque consideraban que esto era unha barbaridade.
Despois de explicarlles aos nosos maiores, pais, avós... como vostedes nos dín, foron éstes os que nos pediron que defendéramos o noso pobo ante estas aves de repiña que por él planeaban, os que dicían que loitáramos ante a inxustiza que nel se quería cometer.
 Vostedes aínda non se decataron de que non erea unha cuestión de cartos, que era igual que lles deran 15 ou 50 euros por metro cadrado, a cuestión é que non querían a piscifactoría na ubicación que estaba prevista porque lles afectaría ao seu modo de vida, e iso, señores, non se paga con cartos.
Por outra parte, si os veciños confían na directiva da Asociación de Veciños é porque se sinten representados por ela, porque son camelláns ata a morte, fillos e netos de camelláns (aínda que dous dos seus oito membros non residan no pobo), porque defende os seus intereses, e porque as decisións que toman acórdase por maioría en asambleas abertas a todos, en lugares públicas e en horarios decentes, non como os representantes do Grupo Socialista, cando co seu sñor alcalde ao frente e acompañado pola señora Mercedes Martín, acudían de noite e as agochadas (coma a Santa Compaña) a casa dos nosos maiores, empregano métodos caciquís para meterlle o medo no corpo, dicíndolles que era mellor que venderan polas boas porque se non expropiaríaselle e non lles ían a dar case nada; e se non confían no grupo Municipal Socialista é porque se sentían traizoados e enganados por eles, e non se sinten representados, xa que no Concello de Camariñas, no equipo de Goberno, non hai ningún camellán, se non que este lugar ocupao unha persoa de fora, que vive en Camelle por circunstancias laborais e non tén ningún apego a este pobo, nin avós camelláns, nin propiedade que defender aquí.
 Dende a asociación de veciños queremos dicir que non nos gustan as polémicas como se demostrou en todos os anos que gobernaron os socialistas en Camariñas, pero claro, era con outro alcalde ao frente, do cal a xente tiña unha opinión de que podía ser mellor ou peor alcalde, pero case todo o mundo estaba dacordo en que era unha boa persoa, pero agora dende que a alcaldía está en mans doutra persoa prepotente e arrogante, ao noso pobo non lle queda máis remedio que responder cando se sinte atacado.
 O equipo de goberno ten unha doble vara de medir porque lles molesta que algún veciño da directiva da nosa Asociación veña só os fins de semana, pero non lles molesta tanto que o señor alcalde non viva no concello que representa.
 En canto aos logros que dín que alcanzaron, non son competencia municipal:
- Prolongación do dique de abrigo, competencia de Portos.
- Rexeneración da praia de Camelle, que se está levando a cabo actualmente, é competencia de Costas (Ministerio de Medio Ambiente), é un dos asuntos que esta asociación se está a ocupar de que quede como figura no proxecto e de que se subsanen algunhas carencias do mesmo, como lles trasladamos xá na Demarcación de Costas.
- A depuradora de augas residuais, que lle digan aos veciños donde está porque non a vemos por ningún lado.
 No que respecta á acusación que se fai a esta asociación de que se perden portos de traballo pola súa culpa, decímoslles que non sos culpen da súa incompetencia, cando despois de levar vintetantos anos gobernando, non fixeron nada para dinamizar o Concello, cando, por poñer un exemplo, nin siquera hai un parque empresarial.
Como esta polémica xa aburre, consideramos que o mellor sería ter unha reunión entre o Grupo Socialista, a directiva desta Asociación, os veciños de Camelle e os medios de comunicación, e que se aclare alí quen é o que engana e manipula.