Parece ser que a nosa Asociación de Veciños gañou outra batalla.
As queixas e reclamacións sobre as obras de rexeneración da nosa praia que fixo a Asociación e sairon publicadas en prensa escrita (La Opinión), na radio (Radio Nordés-Cadena Ser) e na internet (quepasaencamelle e quepasanacosta) deron os seus resultados, xa que o día seguinte (xoves) de sair nos medios de comunicación, os operarios das obras puxéronse mans a obra para arranxar os problemas denunciados pola Pergoliña.
Como se pode apreciar nas fotos de arriba (sacadas este domingo pasado), a empresa Ctnes.López Cao procedeu a marcar as gavias para facerlle un drenaxe subterráneo canalizado hacia o mar.
É moi triste dicilo, pero vese que a única maneira de que as administracións fagan caso é a "pataleta" e a denuncia nos medios.Por outro lado, a AA VV "A Pergoliña" convoca a tódolos seus socios para a celebración de Asambleas Xeral Ordinaria e Extraordinaria que terá lugar na Casa de Cultura o vindeiro día 13 de Febreiro as 17:00 horas.
Asamblea Xeral Ordinaria:
1. Informe a aprobación, si procede, das contas anuais.
2. Informe do estado en que se encontra o Contencioso Administrativo interposto contra a Xunta de Galicia polo tema da piscifactoría.
3. Informe das xestións levadas a cabo ó longo do ano.
4. Rogos e preguntas.
Asamblea Xeral Extraordinaria:
1. Elección dos cargos de Presidente, Secretario e vocais impares da Xunta Directiva.
2. Modificación do artigo 19 dos estatutos, referente a duración dos cargos.
As persoas que queiran presentar a súa candidatura, teñen de prazo ata 7 días antes da celebración da Asamblea, podendo comunicarllo a calquera membro da Xunta Directiva.
En caso de non presentarse ninguén, continuarán os cargos actuais.
Para as votacións, en caso de que o socio non estea presente e queira votar, deberá delegar noutra persoa maior de idade, a cal deberá levar un papel firmado polo socio ao que representa, no que figure o nome do socio e o da persoa na que se delegue, así como o D.N.I. de ambos.